أدب وشعر
مشواري
شبكة اخبار مصر
بقلم/ رأفت عبد العال
لما نويت ع السفر
خدت القمر صاحب
قام قاللي فين البشر
ليه سكتك طالت
رديت وقلت ياقمر
ما في حد ياصاحب
رد عليا القمر
قال الوداع واجب
يا ابو قلب أبيض صدف
للحب يتواعد
ياما في قلوب كالحجر
والحظ اهو واعد
وفي قلوب تسعدك
وحظها واعر
الليل ورحلة سفر
بدموعنا تتسامر
م الهم داب الحجر
قلب الجدع حاير
والدمع نازل مطر
والفرح مش باين
ده العمر رحلة سفر
ب البشر ناسي
قلبي رميته حجر
طرح الحنين راجع
ياما في عيون للسهر
وعيون ما تتصاحب
غنى الجدع غنوته
قال للحبيب راجع
أنا قلت أه يا أمل
قامت الجراح ناحت
٢٠٢٠/٢/٢٥
