أدب وشعر
قصيدتى “قالوا عنهم”
بقلم : ريم جابر
قالوا عنهم ناس الخير
انا قلت حاجة انتوا متعرفوش
قالوا عنهم طيبين
انا قلت عاشرتوهم
جاورتوهم ..قالوا لأ
يبقى متحكموش
ده وش الطيبة والهيبة
والخير مستخبى وراه وشوش
ويتكلم كما القاضى
تقول هادى ولرب العالمين راضى
لكن الحقيقة ياخال
تتحكى فى كذا موال
ناس عبدة فلوس وقروش
والتانى يتكلم عن الخيرات
عن المعنى الأصيل والخير
ولابسين الفضيلة توب منقوش
وأول ماتنزل وادى الأفاعى
ياخال يفرشلك اراضى الود
وشوية تلاقى الناس اللى قدامك
كشروا وبانوا فى صورة ذئاب ووحوش
ويتلون قليل الاصل لون ورا لون
ويتزين فى انغامه بكلام موزون
وياما بلاوى وياما حكاوى
وياما ناس أفاعي مداريها بياض وشوش
