( الأماااااااان مفتاح قلب المرأة )

بقلم / نادية سعد الدين محمد

احساس الأمان أهم من أحساس الحب بألف مرة
لأن أي شخص على وجه الارض قادر إنه يمنحك الحب لكن نادرًا ما تجد شخص يُحسسك بالأمان و يجعل كل أيامك تمر بـسلام و كل شيء داخلك مطمئن و هادئ بدون خوف و قلق أو ترقب
يمكن ان نوصفة بأنه شعور يشبه النسيم الجميل بعد المطر

هناك علاقة طردية بين الأمان والحب كلما زاد الشعور بالأمان زاد الحب ، وكلما نقص الأمان يكون مؤشر لنقص الحب وفى إعتقادى أن الأمان أهم من الحب وهو أحد أعمدة الحب الأربعة الرئيسية التى يبنى عليها الحب وهى :

الأمان _ الإهتمام _ الثقة _ التضحية

أما الاحترام فهو العامل المشترك الذى ينجح اى علاقة انسانية او يهدمها

فلا حب دون احترام ولا صداقة بدون احترام ولا حتى قرابه بدون احترام

ماهو الأمااااان

هو مجرد كلمه لكنها تلخص كل معانى الحب والاحتواء والدفئ والحنان و الاهتمام الأمان اقوى من الحب
الكثير يعرف يحب لكن القليل من يهتم ويُشعرك انه الأمان والطمأنينه لك

الأمان هو مفتاح قلب المرأة

وقلب المرأة وطن والوطن الذى لا تستطيع ان تأمنه وتحمية والله لا تستحق العيش فيه
كلنا فى حياتنا بحاجة لمن يشعرنا انه سند وامان وظهر وحماية لنا والامان ليس اقوال بل افعال

الأمان ان تكون مُطمن وليس خائفاً .. انك تشعر ان الذي امامك مضلل عليك . محاوطك من كل ناحية .. حتي لو ليس بجانبك حقيقي .. ولكن تشعر بروحه حواليك .. تشعر بعينيه تنظر اليك وتحميك .. تشعر بيده و هي بتطبطب عليك في عز لحظات وجعك وخوفك

إحساس اشبه و اقرب للأمومة او الأبوة منه للحب العادي او المتعارف عليه

من وجهة نظري ان إحساس الأمان اجمل واهم بكثير من الحب .

تلاقي نفسك معه علي طبيعتك .. مابتتكسفش تبين ضعفك و دموعك قدامه .. بالعكس دة انت بتحس انك محتاج تكون كده قدامه هو بالتحديد ..
بتشعر اول ما بتنظر اليك ان روحك بتهدي و قلبك
بيطمئن ويرتاح تشعر انك محتاج تركض بين يده محتاج تبقي متمسك بيده

انت في الاول و الاخر بشر .. بتشعر و لديك طاقة
ولديك قوة تحمل .. لا يمكن ان تبقى طوال الوقت واقف
علي قدمك و حامي الكل و ساند الكل .. لكن انت ايضاً بحاجة الي من يحميك و يسندك .. بحاجة الي من يحتويك و يستوعب ضعفك من غير ما يستغل ضعفك ..
بحاجة الي ان تتضع همومك بين يده

الامان هو انك تعلم انه يوجد شخص في حياتك هيفضل موجود وانه جمبك وقت ماتحتاجه هتلاقيه جنبك سند و امان ليك وانت ف أسوء حالاتك وانك وقت ماتختلف معاه تتكلم وانت عارف انه مش هيفهمك غلط وان مهما وصل الخلاف بينكم تبقي عارف انه مش هيجرحك بكلامه لان في الاخر دا مجرد خلاف و هيروح لحاله انما انتوا مكملين ..
الامان انك ماتبقاش خايف وانت بتقول اللي جواك ..
الامان انك ماتحسش ان علاقتكم ببعض علي كف عفريت
لأ دا انت تبقي متأكد ان لو الدنيا كلها اتجمعت علي
انكم ماتكملوش انتم تكملوا غصب عن اي حد ..
الامان انك تكون قاعد ومطمن وعارف انه هيدافع عنك لو وسط مليون واحد غلطوا في حقك .. الامان هو نظرة عين منه و كأنه بيقولك انا هنا ،، انا موجود عشانك ،،
انا فاهمك صح ،، و الاهم من كل دا انا مش ممكن اخذلك
الامان ان الشخص دا يطمنك بوجوده مش يهددك بغيابه الامان والاحتواء هو اجمل احساس ممكن
تحسه في الدنيا .

وشخص واحد بس اللي انت ممكن تلاقي نفسك حاسس معاه بالأمان المطلق … مش بتلاقيه بسهولة .. ممكن تصادفه في العمر مرة .. و ممكن ماتصادفهوش خالص ..
بس لما بيحصل و تصادفه و تلاقيه بجد .. بيكون
هدية من ربنا ليك .. كأن ربنا بيعوضك عن كل التعب اللي انت شوفته في حياتك .. و بيكافئك علي تحملك و صبرك و عطائك للاخرين حتي و لو علي حساب نفسك .. بيبعتلك اللي يفضلك علي نفسه .. زي مانت فضلت الكل علي نفسك .. بيبعتلك اللي يحبك و يخاف عليك و يحتويك ويمد ليك ايده … زي مانت خايف عالكل و شايل هم
الكل ومادد ايدك بالمساعدة للكل ..
عوض ربنا مافيش احلي منه .. و ربنا طول الوقت
بيبعتلنا رسايل و يعرفنا ان مافيش حاجة بتضيع ابداا ..
سواء خير أو شر ..

ربنا يعوضنا و يرزقنا جميعا بالناس اللي تكون لينا الامان و الراحة في زمن كله وجع