أدب وشعر
حبايبنا الغاليين
كلمات اسلام عامر
بقلوبنا دايما حاسين
ف الحزن معانا يواسونا
ف الفرحة لينا مشاركين
حبايبنا الغاليين
طيبين مخلصين
من حياتنا قريبين
متفقين متواعدين
في طريقنا مكملين
الإيد ف الإيد
لأخر يوم ف عمرنا
حبايبنا الغاليين
العيون لو تشوف
أي لحظة فيها خوف
تتمحي بقربنا
حبايبنا الغاليين
كل عاشق كان مشتاق
داق عذاب طعم الفراق
يتعلم من حبنا
حبايبنا الغاليين
يوحشونا وهما
طول الوقت معانا
العزال يحسدونا لو شافونا
يتمنوا يحسوا بهوانا
