الحياة زي كرسي الحلاقة كل ساعه قاعد واحد جديد كل ساعه في تغيير في البشر والمناصب بس الكرسي هو اللي سابت

بقلم : حسام العايدي

كل يوم بنسمع ونشوف فلان دا كان وزير فلان دا كان مدير عام مكتب الوزير فلان دا حتي لما كانت تتواصل معا وكان يرد عليك واحد هناك يقولك اصل مشغول اصل مش موجود اصل معا تليفون تاني ابقي كلمه وقت تاني

والغريب أن كل واحد فينا نسي نفسه والحياة اللي عايشها
ونسي أن هوا علي كرسي زي كرسي الحلاقه بالظبط اللي كل ساعه واحد جديد قاعد علي

وفجأة اللي كان في منصب لما يتشال نلقي اللي كانوا كل شويا يقولوا دا مافيش زيه وقت ما ينزل من علي الكرسي تبص تلقي اللي كانوا حولي أصبحوا ضده علي طول

نفس اللي بيحصل في صالون الحلاقه لما بيكون واحد قاعد علي الكرسي بيحلق تلقي الكل عمال يقول نعيما ايها الرجل وشك منور والله وانت علي الكرسي وبتحلق وقت ما تخلص حلاقه وتمشي ويقعدك مكانك اللي كان منتظر تنزل يفضل يقول أخيراً نزلت يالا مع السلامه

شوفتوا بقه الحياة عامله ازاي عامله زي كرسي الحلاقة والله كلام حلو في وشك وحش في ظهرك الكل منتظر تنزل بس من علي الكرسي علشان يقعد هوا مكانك
عيشوا الحياة صح واعملوا للاخرة ولوقت النزول من علي الكرسي كمان