الشاعرة ،، منى العشرى
أنا الزمان وأنا المكان
وأنا إللى كنت وياما كان
أنا الحيلة وأنا الجميلة
وأنا إللى كنت بعيون كحيلة
أنا الزمان وأنا المكان
وانا إللى كنت وياما كان
أنا إللى الصبر منى اشتكى
والعيون غرقت بكى
والله يعوض ع اللى كان
أنا الزمان وأنا المكان
وأنا إللى كنت وياما كان
أنا كنت الكلام الحكم
وكان يضرب بى المثل
وكنت اميرة الزمان
أنا الزمان وأنا المكان
وأنا إللى كنت وياما كان
أنا إمبارح وأنا النهارده
وبكره ده فى علم الرحمن
أنا الزمان وأنا والمكان
وأنا إللى كنت وياما كان
سبحان الذى يغير ولا يتغير
على مر العصور والزمان
error: Content is protected !!
