أدب وشعر
حرف بيضحك عامية مصرية
بقلم / رأفت عبد العال
تعرف تكتب حرف بيضحك
تعرف ترسم عين مش باكية
حتى ساعتها لو أنت هتكدب
حرفك صورتك راح تتكلم
جوه حروفك شيء يتألم
مهما تداري مهما هتبعد
جوه حروفك ساقية ودايرة
شبعانة حزن وشبعانة هرية
وأنت الباكي اللي بتتجمل
نبضك قلبك مش متحمل
يعمل جوه السطر بحور
يعمل صورة قلب جسور
أو يرسم مصابيح للنور
ويرشها بعبير الورد
هو أكيد المعنى بيوجع
بس صحيح العمر بيطرح
شجرة حزن وشجرة فرح
وأنت الساكن قلب الجرح
خلي رتوشك تسقي الحرف
دوب جوه كلامك فرح
واحيي المعنى والغي الجرح
شبكة أخبار مصر ٢٠٢٠/٤/٣