ميزان الوعي

د/ أحمد خليفة

كلمة بنسمعها كتير و بنقولها اكتر
يا تري احنا فاهمين يعني ايه توازن !
و بنقدر فعلاً نعمله و نطبقه في حياتنا ؟

للأسف معظمنا لِسَّه موصلش لحالة التوازن اللي المفروض تكون و لا عارف حتي هيوصلها ازاي .

كل اللي عارفينه بس اننا عايزين نعمل كل حاجة في نفس الوقت بغض النظر عن ده المناسب ولا لأ ..

فيه منا اللي بيدي لغيره و لبيته و لأولاده لدرجة انه مش عارف يدي لنفسه ..
و فيه اللي بيدي لنفسه زياده لدرجة انه مش عارف يدي لغيره ..
و فيه اللي بيدي الأتنين بس واقع في حاجات تانية أهم .

طيب يا تري المشكلة فين و لا في مين ؟
المشكلة في الوعي

لا اللي بيدي لغيره بس سازج
ولا اللي مبيديش خالص أناني
المشكلة مشكلة وعي
الأتنين مش عارفين يديروا حياتهم غير كدة ..
مش عارفين ان في حاجة اسمها توازن .

توازن في كل حاجة ..
توازن في الأكل
توازن في النوم
توازن في الصحة
توازن في التفكير
توازن في القرارات
توازن في العلاقات
توازن في المشاعر
توازن في الإحتياجات ( إحتياجاتي و إحتياجات غيري )

– يا تري انتوا عايشين حياة متوازنة ؟
– بتقدروا تدوا كل حاجة بنفس المعايير و الجودة !

الموضوع فعلاً محتاج وقفة .
ابدأوا اسألوا نفسكم و فكروا ..
شوفوا ممكن تعملوا ايه علشان تحسنوا من طريقة عيشتكم و تعلوا جودة حياتكم
انتوا تستاهلوا تعيشوا حياة متوازنة ، سعيدة و هادية