قصيدتى “غربة مابين الناس”
بقلم : ريم جابر
الباشا أكل ناسه وباع فدادين
وياما ناس مغلوبة ومطحونة
وناس بتقسم فى اراضى وطين
وناس قاتلها الفقر وناس ساكنة فى
القصور بفلوس السحت عايشين
هناك ناس شاربة من رحيق الورد شراب
وهنا ناس بتنداس ومن كاس المرار طافحين
هناك باشا ساكن فى برجه وقصره العالى
وهنا فقير محتاج بيدور على اللقمة
وبيته من الفلوس خالى
و ها دول اطفال جياع يتامى
جسدهم من المرض بالى
ومنزل مقفول على ناسه
مايعلم بحزنهم غير المولى
مدارى ياناس على همهم وفقرهم
وربنا قال القريب قبل الغريب أولى
وهنا اللئيم قليل الاصل
من فلوس وحق اخواته
بانى للظلم ياناس دولة
يامتغرب فى مواجع وهم الناس
والغربة ماليها باب ولا ترباس
مفتوحة ابوابها على البحرى
واللى رايح فيها ضايع بدون رجعة
وتقعد مع الحج يحكيلك تصدقش
تنزل فى قلبك من الكلام فجعة
ليه ياناس الاخو أكل حق اخوه
والابن قال برىء من ابوه
وساقية دوارة عم تطحن فى بعضيها
وبتفرج وبستغرب مين الطيب الزين
ومين الردى الخسيس ياناس فيها
