مطبح شبكة أخبار مصر يقدم لكم _ نجرسكو بالدجاج

مطبح شبكة أخبار مصر يقدم لكم _ نجرسكو بالدجاج 

متابعه علي العشري رحاب الدسوقي

يقدم لكم “شبكة اخبار مصر” وصفات للأكلات المصرية الشهية والشهيرة وهذة الخدمة مجانية من ضمن خدمات “شبكة أخبار مصر” المجانية “

واليكم وصفة :نجرسكو بالدجاج

مقادير 

باكيت مكرونة اقلام

4 صدور دجاج

2 حبة بصل كبير الحجم

2 فلفل رومي متوسط الحجم

نصف معلقة صغيره ثوم بودرة

نصف معلقة صغيرة بصل بودرة

معلقة صغيرة ملح

معلقة صغيرة فلفل أسود

4 معالق كبار زيتون شرائح

ربع كوب جبنة شيدر مبشورة

ربع كوب جبنة رومي مبشورة

2 مكعب مرق دجاج

كوب ونصف حليب

3 معالق كبار دقيق

3 معالق كبار زبدة

معلقتين كبار زيت

بيضة

معلقة كبيرة بقدونس (مفروم)

معلقة صغيرة ريحان (اختياري)

حبة ليمون

طريقة التحضير

قطعي صدور الدجاج وحطيها مع بصلة مفرومة ناعم وملح وفلفل وبهارات وعصير الليمونة وسيبيها في الثلاجة تتبل شوية

ابدأي اعملي الصوص: حطي معلقة زبدة في حلة على النار مع إضافة الدقيق والتقليب بسرعة عشان الدقيق ما يتكتلش الدقيق ولونه يصفر

في طبق تاني ضيفي الحليب ومرق الدجاج لحد ما مرق الدجاج تذوب فيه، وصبيه على خليط الدقيق والزبدة وقلبي بمضرب سلك وأبعديه عن النار عشان الدقيق يتفكك ورجعيه على النار مرة تانية مع التقليب لحد ما القوام يتقل شويه

ضيفي الجبنة الشيدر والجبنة الرومي المبشورة والفلفل الأسود للصوص لحد ما تذوب الجبنة والخليط يبقا سميك القوام

اسلقي المكرونة في ماء مغلي مملح وفيه قليل من الزيت

حطي معلقة زبدة ومعلقة زيت في طاسة كبيرة وضيفي البصلة المفرومة وخلي البصل لحد ما يذبل، وبعدين ضيفي قطع الدجاج مع التتبيلة وباقي كمية التوابل وحركي لمدة 10 دقائق وضيفي شرائح الفلفل الرومي.

صفي المكرونة واخلطيها مع الزيتون والدجاج والتوابل لحد ما تندمج المكونات وحطيها في صينية فرن مدهونة بالزيت

اخفقي بيضة وضيفيها للصوص وادمجي ثلاث أرباع الصوص مع المكرونة والدجاج، وصبي الباقي على الوجه مع رشة من الجبنة الشيدر

سويها في فرن ساخن مسبقاً على درجة حرارة 180 درجة لحد ما يحمر الوجه ولونه يبقا ذهبي