حقوق انسان
بقلم شاكر محمد المدهون
لوبدك تعيش سالم
في بلادنا تكون قنعان
بلقمة ناشفة لو جتلك
في طبق فاضي من اي مكان
لو بدك غماس جاهز
من مجاريهم ولحم كمان
أو تقنع بالمية مع دودها
بروتين يغني عن لحم حيوان
ولو بدك لباس ممكن
كيس خيش من مزابلهم
في حر الصيف يمص عرقك
وفي برد الشتا تكون دفيان
وأما المأوى فظل جسمك
في أي غيط يشيل عنك
حر الشمس أو قبر يلم عظمك
ماهو مأوى لكل انسان
ولو بدك تتنقل لك رجلين
تركبهم لأي مكان
ولو بدك سفر سافر
في أحلامك ولو حتى لليابان
مع انه السفر خيانة
ننصح تتركها خيانة الأوطان
والتعليم حق مواطن
تتخرج من مدارسنا
زي أي ببغان
والصحة بعيد عنك
المستشفى مقر دائم
لملك الموت نحضر له
جثث ميتة اصل الرحمة
مطلوبة في كل زمان
ولو بدك كلام تحكي
من حقك حرية الرأي مكفولة
يكفلها ألف سجان
التعبير عن همومك يكون
مش من لسانك طريق ثاني
لو تهمس في بيت الراحة
تكون في أمان
كل حقوقك مكفولة
من يوم ميلادك
ليوم السجن أو قبرك
لو بدك يوم تفكر
في شيء أسمه
حقوق انسان
اتشاطر وقول عن الجرب
نعمة يعمك خيرنا
وتبقى خيال انسان
