( الطيبه تاهت ) …

بقلم – إبراهيم رفعت

الناس خلاص مابقتش ناس
والطيبه تاهت من البشر
بقت الحياه عيشه وخلاص
ولا حد فاهم إيه حصل

لما تكون فرحان سعيد
بتقيد شموع وبتنطفي
وأما تكون مخنوق حزين
الكل فجأه بيختفي

دي الناس خلاص مابقتش ناس
والطيبه تاهت من البشر
بقت الحياه عيشه وخلاص
ولا حد فاهم إيه حصل

راح فين زمان الطيبين
لما القلوب كان فيها خير
كان القوي بيحمي الضعيف
وإللي معاه يراعي الفقير

شوارعنا كان فيها أمان
وفي موده بين الجيران
كان عندهم أخلاق وذوق
ومايعرفوش ياكلوا الحقوق

الناس خلاص مابقتش ناس
والطيبه تاهت من البشر
بقت الحياه عيشه وخلاص
ولا حد فاهم إيه حصل

كانت الصحاب جدعان بجد
في الشده كان مايغيبش حد
كان لما حد بيشتكي
الكل بيميل عليه

وفي وقت جرحك قبل فرحك
الكل كان راجل يسد
الناس خلاص مابقتش ناس
والطيبه تاهت من البشر

بقت الحياه عيشه وخلاص
ولا حد فاهم إيه حصل
ياريت تعود بركة زمان
وقلوبنا بالخير تتملي

راعي ضميرك يا إنسان
وإبني و عمّر بلاش تهد