فن
قصيدتى : “صـــاحب المكتب باشـا”
بقلم : ريم جابر
قصيدتى : “صـــاحب المكتب باشـا”
رفقــــــا بالضعفـــاء ياصــــــاحب المكتــب
انـــــا الفقير الضعيــف لم أتعـــــلم أن اكتــب
جايلك أخلص مصلحة ورق وروتين وما من مهرب
تعاملنى وكأنى ذليـــــل جايلك بورقى وشكوتى
وياااا مين يسمع بلوتى دى مهمتك ياصاحب المكتب
واّخــر الشهر ياطويل العمـــــر
عامـلين لــــك حـوافز ومـــرتب
ترمينى بورقى لما استفسر عن شـــــكوتى
طافح مرار فى دنيتى وبالحق أتحدث ولم اكذب
وبعدها تاخد ورقاتى وترميهم فى الدرج قـدامك
وعدى علينا بكرة وبكرة يجيب بعده وفاكرنى خدامك
أسلم أمرى للمولى وأقول بكرة هتتعدل
وهينظروا فى الشــــكوى اسيبها وامشى
وأتاريها علـــــــى الفقيــــر بتتقــنـدل
ويروح ويجى الجدع مهزوم خلصــت
يانـاس مشكلــتى يقولولوا تتعــدل
وأتارى مشاكلى والطلب مركــون
عاوزله واسطة تزحزحه ولم أعتــب
تليفون يكلم الباشا حـــبيبنا بيشرب شاى
وانا كل يوم ياناس سايب اكل عيشى وجاى
ولــــو مافيــــــش تليـــفون ياجـــــدع
اوراقك ومشكلتك فى النار بيـــــــحرقها
تروح تشتكى للخلق يطلعلك مليون سبـب
ويقولك روح شوف شكوتك مين يصـدقها
…………………………..
مترضـــــــوا ربنــا فى النــــاس
…………………………………….
إياك يغرك منصبك وســلطتك ومكتبــك
وميسيطرش علــــيك شيطان خنـــاس
ده يوم الحشر يامعلم هتتوحد جميع النـــاس ولامكـتب ولامنصب هيشفعلك عند رب النــاس
ده السيدة زينب نادت زمان ع النبــــــى
بتوصيـــــه على كـــــل النــــــــاس
وقالــت ياجــــــدى راعــــى النــــاس
وقالــــت دولااا الـــــغلابة ياجـــدى
وفــــــين يلاقـــوا زيــــــك نـــاس
بناديكـــــم يانــــاس راعــــــــــوا الناس
راعوا الغلابة فى واديكم وعاملوهم زى الناس
