غربة

بقلم/ رأفت عبد العال

حياتنا يا ناس ماليها الخوف
وفيها الغربة ساكنانا
ساعات بنشوف أمل مكسوف
نلاقي جراحنا عاشقانا
وجوه الخوف
عيون الفرحة ناسيانا
ساعات نضحك
ساعات نبكي
ويسرق حزننا غنانا
نحن ليوم بريء مظلوم
لكن براءتنا حيرانة
عيون الخوف بتملى الجوف
شجن والفرحة هربانة !!!!
ونحلم اه
لكن بالكاد
بتيجي أحلامنا ويانا
يعدي اليوم وراه اليوم
عيون الشوق
سراب مدفون
في حلق الخوف
وليه الدنيا نكرانا
تمنينا … وتنسانا
وأنا …
أنا المشتاق لبر أمان
ألاقي سفينتي غرقانة
ولا مرة أشوف بعيون
بداية لسكة عرفاني !!!!
وأتوه جوه الزمان بزمان
بخطوة جريحة شقيانة
وخوف ومتاهة واخداني
أعيد الكرة من تاني
ألاقي الغربة واخداني
وجوه الخوووووف بتنساني

شبكة أخبار مصر ٢٠٢١/٦/٦