ماشيه القلوب بالمقلوب

ماشيه القلوب بالمقلوب 

الشاعره وفاء يوسف 

مهرجان ،،،،،،،، 

فيه القلوب الوان 

العدل منها تاه

و بتحسبك م الجان 

ماشية و بالمقلوب 

حسبتها دايما غلط 

و بتحدفك بالطوب 

كل القلوب معكوسة 

ماشية لورا و قدام

و بحلمها مهووسة 

توصل لحافة كورة

و يدوب مرها في فنجان

ناسية إن مفيش راحة

و ان الدنيا مجروحة 

و لا في يوم عمرها هتبان

دا الأرض مبتورة

بتلف مهما تلف

مرجوعها للبدايات 

قوة من بعد ضعف 

و الرك ع النهايات  

لكن في الأساس اسعى

و اخرج من القوقعة 

إختار الطريق الصح 

و ارمي الحمول ع المولى

هييجي يوم تنجح

و ان يوم الفشل زحلقك

و اتألمت م الوقعة 

إسند عليه و ابدأ

دا العيب اني أستسلم

ما يكونش لي في الحياة مبدأ 

   وفاء يوسف 2/7/2023