وارب روحك

وارب روحك

بقلم وفاء يوسف

 

خلي جراح العمر تعدي 

و إن لحظة اتبخر حلمك هدي 

مسيره بجدك يتكثف 

و ترعرع روحك من تاني 

إزرع في طريقك ضحكاية

خليك بلسم ،،،،،، 

 

 

للجرح ان شوفته مدمع

في عيون الناس 

و اياك تستسلم 

للكلمة المعسولة

المدهونة ب سكر 

محشية رصاص

إتأنى وفكر

وان كنت ف قمقم

متزين بالدنيا 

وعليك حراس

خليك واضح 

زي عيون الشمس ف ليل أيلول

لما تهل تزيح الغمة

و للدنيا بتشع النور 

و ان زاد الضغط عليك اصبر

تتحول ماس

ف تفوز ب الجنة 

و في الدنيا 

عمرك مرفوع الراس 

    وفاء يوسف 22/11/2022