أدب وشعر
انا في حالي
بقلم الشاعر محمد سعدون
أنا الي طول عمري في حالي
شغال وبجري على عيالي
مرتاح. وراضي باحوالي
والدنيا حلوه وريقالي
أنا الي. طول عمري في حالي
الدنيا كانت وورديه
وولادي. جنبي و حواليه
والعيشة. حلوه وهنيه
والفرحه كانت ديمالي
أنا الي طول عمري في حالي
في يوم. قابلني أصحاب السوق
قالولي مالك كده مخنوق
سيبها على الله يا عم وروق
واسهر معانا احلى ليالي
أنا الي طول عمري في حالي
وافقت. ومشيت وياهم
خلوني ابقى على هواهم
يا ريتني ما مشيت وياهم
ولا كان حصل الي جرالي
أنا الي طول عمري في حالي
مشيت في سكة الإدمان
وشربت بانجو وخمره كمان
الفرح راح مباش له مكان
هو الي. بقالي
أنا الي طول عمري في حالي
