إيه اللى بيحصل فى تل أبيب

بقلم ،، ياسر أنور

تعالوا كدا نشوف الصورة بعقلانية وتحليل منطقى ..علشان نعرف إحنا رايحين فين وماحدش يزايد ويركب الموجه من التجار 

يحيى السنوار طلع بخطاب لم يحدث من عقود طويلة .وبكل ثقة وقوة غريبة 

وهو الوحيد من قادة حماس المخلص للقضية فعلا .وهو الوحيد من القادة الذى أعترفت به مصر (هنية طلب محادثة الرئيس السيسى وتم رفض طلبه) لأنه تاجر قضية وراكب موجه

مصر فى حرب غزة العام الماضى اتصل بايدن يستجدى تدخل مصر .

وكان شرط مصر ان تدخل لإعادة الإعمار ووافق الأمريكان والإسرائيليين .

وثانى يوم ( مش مبالغة والله ثانى يوم )

كانت المعدات المصرية و العمال المصريين فى غزة (حتى يصبح أمر واقع قبل أن يتنصل الجانب الٱخر من تعهداته ودا عهدهم دائما)

واصدرت أم الدنيا تصريح صاعق

 ( أى إعتداء على معده أو عامل مصرى بمثابة إعتداء على الجيش المصرى)

يعنى التصعيد مش هايبقى مع الغزاوية بس هايبقى مع مصر ( بدون عنترية ولا جعجعة)

طيب فى إسرائيل الحكومات بتزايد على اليمين المتطرف ( دا فى حد ذاته تسريع بالحل وهم مش واخدين بالهم )

بينيت عايز يزايد أمام نتنياهو ويعمل منظر يجيب شوية متطرفين ويحاول ال يقتحموا المسجد الأقصى بطريقة صورية

 والمرابطات والمرابطين أبلوا بلاء حسن واصبحت مناورة فاشلة لأنه لا يجروء على التصعيد الحقيقى 

الملفت قوى والمثير للإستغراب والإحساس بالعظمة الحقيقية 

أن الهجوم على الإسرائيليين فى الداخل فى إزدياد بطريقة كبيرة جدا .

وإسرائيل تتحاشى التصعيد وعايزة تعمل أى حاجة لذر الرماد 

(وهانعمل ونعمل زى العرب زمان) 

ولا تجروء على عمل أى شيئ 

علشان ما نختلفش

 لو مايحدث الأن كان حدث قبل تدخل مصر القوى الهادئ وبدون صخب 

كانت إسرائيل ولعت غزة والضفة كعادتها 

تقولى لأ السبب حزب الله السبب إيران السبب المقاومة المتأسلمة اقولك انسى 

دول موجودين من زمان وكانوا بيطحنوا بدم بارد .لأنهم كلام وبس ومن يومهم كدا 

لاحظوا فى كلمة السنوار تبجيل ياسر عرفات 

ولاحظوا صورة السيسى تملأ غزة 

ولاحظوا تكبيل يد إسرائيل 

ولاحظوا زيادة وتيرة العمليات الفدائية بكل ثقة وقوة .

تقولى بقا .هنية ..حزب الله ..إيران .

اقولك عيب وأيام التجارة بالقضية ولت 

كلمة السر ( مصر ومصر فقط )

والله كل العرب هايبقوا بخير علشان أم الدنيا أصبحت بخير .

أقسم بالله ياسيسى لو دا بس اللى عملتوا.

كفيل بأن يذكرك التاريخ بحروف من ذهب 

القادم والله ملاحم بإذن الله .مهما كانت الصورة ضبابية ومهما تنطع المزايدون وتجار القضية وطيور الظلام 

( خليكوا فاكرين للمرة المليون إسرائيل راجعة بإذن الله لحدود ٤ يونية ٦٧ )

اللهم هيئ لنا من أمرنا رشدا

تحيا مصر بشعبها وجيشها وقادتها