أدب وشعر
اعمل ساتر عامية مصرية
رأفت عبد العال
حلمك حاير
بين النبض وبين الخاطر
لملم كل خطاوي السكة
واعمل ساتر
احدف عمرك ويا محيطك
جوه دواير
اوعى تخاف من لحظة ضعفك
عافر غامر
اركب قطر خيالك اهرب
ارحل سافر
فتش كل دواير الدنيا يمكن تلقى
الحلم الحاير
لما تكمل رحلة عمرك …
اطبع حلمك
قبل ما يصبح حلمك باير
ارسم بسمة جوه سحابة
ويا دواير
وزع نسخة على ايامك
خليك فاكر
يمكن تصدف وتشوف حلمك
جوه دواير
واما تلاقي كابوس بيطاردك
شوف كام دايرة بتخطف عمرك
واعمل ساتر
