أدب وشعر
رعشة وتر
بقلم /رأفت عبد العال
لساية معرفش الطريق
لساية معرفش الخطر
يا امايا يا حبيبتي اسمعي
ما عرفتش أعزف ع الوتر
لما العيون السود خدتني
في الطريق ضليت أنا
ضليت وبحلم بالرجوع
لكني معرفش الطريق
لكني حاسس بالخطر
لساية فاكر يدك الدافية
متغمسة بجسدي النحيل
لساية فاكر رعشتك
وأنا بعد الخطى
لساية بحبي في ضلتك
لساية ساكن جنتك
يا امايا وانتي بتصلي
ادعي لوليدك ما يضل الخطى
يا امايا خايف م الطريق
يا امايا خايف م الخطر
لكني معرفتش أكون
غير طفل محتاج ضلتك
لساية بحلم بالرجوع
يا امايا فاكر دمعتك وقت الخطر
يا حبيبتي فاكر دعوتك وقت السحر
لساية بحلم بالرجوع
لكني ضليت الطريق
لكني معرفتش أكون
غير طفل حاسس بالخطر
شبكة أخبار مصر ٢٠٢١/٢/٢٤
