فقدان الشغف

د / احمد خليفه

بنى سويف 

يمكن اول مره اكتب وأصرح ان الكلام دا بيعبر عني
كنت في فتره دايما اهتم برضا الناس واخاف ان حد يزعل مني و احب اظهر في التجمعات وابين ان الناس كلها اصحابي والكل بيحبني
واشوف مين بيعلقلي و مهتم باللي بكتبه
كنت بحب الدوشه والصراعات وادخل في منافسات كتير
بعد الفتره دي وبعد كم الصراعات والمشاحنات ….لاقيت نفسي بسأل نفسي هو ايه اللي استفدته من كل الناس اللي كانت حواليا؟
ايه الاضافه اللي حصلتلي غير ان الاحتكاك الزياده عملي مشاكل وصلت لدرجه العداوه!!!!!!
وليه وعشان ايه ؟
لاقيت الاجابه ولا حاجه
كنت فاكراني بحاول اصلح واساعد بس طلع وهم كنت عايش فيه
وفي ناس استغلت الصراعات دي لمصالح شخصيه ليها
بعد مده قررت ابعد وفضلت اتابع الموقف من بعيد واشوف الناس اللي لسه بتجري وصلوا لايه
لاقيت بردو انهم ماوصلوش لأي حاجه بالعكس كل يوم بيخسروا لو ماكنتش خساره ماديه بتكون خساره راحه بال و هدوء و صحه …
من بعدها فقدت الشغف لأي حاجه فيها صراع ولا بقيت ادور علي لمه الناس وقررت اعمل اللي يريحني واللي بحبه واتعامل مع الناس السهله البسيطه واعيش في هدوووووء
واي حاجه هتسبب لي ازعاج هبعد عنها و هعمل نفسي مش شايفاها
فقد الشغف اوقات بيريحك من طمع الدنيا