بقلم / أمينة عليوة
شبكة أخبار مصر
إياكم والتقليد الأعمى ،،بمعنى إنك تقلد شئ من غير النظر لنتيجتة ،، مفيد،ام ضار
يعنى مثلا مااقلدش شئ سئ ومش إيجابى مش هيعود عليا من وراه إلا الدمار والخراب،،مثلا جارة لى أو صديقة سلوكها سئ ،تفتح لى معها باب للشيطان لمجرد التسلية وبالتالى توقعنى ف المحظور،،زميلة لى ف العمل وماأدراك من سلوكيات العمل ومايدور بين الزملاء إلا مارحم ربى،اما إن احترم نفسى واجبر الآخرين على احترامى وإما أن يكون البساط احمدي وماادراك مااجنيه من متاعب وعواقب،،
فعل سئ اقلده من شخص وعاد عليه بالمكسب كاظاهريا فقط إنما نتيجته تعود بالدمار والخراب وسوء السمعة
زوجة مهملة فى حق بيتها وزوجها ،مريحة نفسها من المسئولية ووجع الدماغ ،عايشة سيدة نفسها ،،أقلدها عشان ارتاح زيها،،هو كده فيها راحة ،،التقليد الأعمى هيعود عليكى بدمار بيتك وإهمال ولادك وعلى قلة راحتك وراحة جوزك،،ايضا كذلك الزوج اللى يقلد زميل له فاسد ومدمن وسئ السلوك والأخلاق وشرس مع زوجتة واولاده لمجرد أنه عايز يعمل فيها سبع البرمبة،،وغير مسئول تماما عن بيتة ،،عايشين ولادة وزوجتة معاه ف تكدر وضيق وكبت دا غير الضرب والبهدلة ،،اقلده عشان اكون زيه وانسى الرحمة والعطف والشفقة على زوجتى واولادى اللى امرنى الله انى ارعاهم واكون لهم العون والسند والأمن والأمان،،،
شخصية أخرى غير سوية،، من الظاهر تنعم بالراحة وإلاستقرار،،انما من الداخل خاوية على عروشها ،،اقلدها دون أن أنظر لما وراء ذلك من دمار وخراب وخسارة للنفس وراحة للبال،،
صديقة قريبة أو بعيدة منى ،، منكدة على جوزها عيشته وحياتة،،سليطة اللسان بتخلق المشاكل من العدم بحجة أنها لازم تكون مسيطرة على البيت واللى فيه خاصة مع الزوج المطحون ف طاحونة الحياة من أجلها وأجل بيته وأولاده ،وكل اللى بيستفيد من الطحن ده طبق أكل يادوب يسد جوعه واللبس،،يادوب طقمين صيفى وشتوى او غالبا طقم واحد لكل فصل،،حتى لبس البيت،،هيه بيجامة لسنوات الشتا،،وبيجامة لسنوات الصيف،،عشان وهو فرد واحد وهمه خمسة أو ستة افراد يجى على نفسه عشان راحتهم وطلباتهم ،،ومع ذلك مافيش شكر ولاحمد،،انا بقى اقلدها،ف الخيبة دى،،،
صديقة تانية أو معرفة من بعيد طالبة الطلاق من جوزها أو اتطلقت فعلا ومن الظاهر للجميع إنها عايشه مرتاحة البال ومستقرة ،،اى استقرار وهيه خربت بيتها ودمرت حياة ولادها،وشردتهم ،،وف الأخر إما هيتربوا عند أهلها او مع مرات اب توريهم الويل وتعد عليهم الاكل والشرب حتى النفس،،وممكن ياكلوا بالأمر وينامون ويصحوا بالأمر،،وماخفى كان اعظم،،ويمكن تتجوز جزازة النظامية وتروح تربى ولاد غيرها حتى مسمى الحب الوهمى اللى خربت ودمرت البيت على ولادى بسببه ،،اقلدها دون مراعاة لما يحدث بعد خراب بيتى ،،اشوف الإيجابيات فقط ودى ظاهرا فقط ،،، وغير مهتمة بالسلبيات اللى هحصدها بعد اللى زرعته،،،
فالرجاء كل الرجاء البعد تماما عن التقليد الأعمى اللى مابنشفش فيه إلا تحت رجلينا وللحظة اللى حابين نقلد فيها ،،ماببننظرش لأبعد من كده واللى هيعود علينا منه بالخراب والدمار وتحطيم القلب وربما فقد النفس،فإياكم وإياكم،، وإياكم من التقليد الاعمى،،
