الجيل اللي شاب وهو شباب

الجيل اللي شاب وهو شباب

بقلم ،،د طلعت العريان 

طبعا مع احترامي للناس الكبيره بس انتو جيل اول ما خلص دراسه اتوظف بالدبلوم و اشتغل من ٨ لي ٢ الظهر وقدرتو تفتحو بيوت وتتجوزو بسهوله عشان مطولش عليكو

 احنا جيل شغال من وهو ف الدراسه وفينا اللي معاه شهاده ومش لاقي شغل اصلا بنشتغل ١٢ او ١٤ ساعه في اليوم

 انتم معملتوش ربع الي احنا بنعمله انتو. اه تعبتو بس مش قد ما احنا تعبنا 

احنا جيل حضر جنازات اصحابنا قبل افراحهم.

 بستغرب الناس الكبيره الي بتقول علينا جيل مش بتاع شغل و فاشل 

مع احترامي ليك احنا الجيل الي عمره ما هيقول ليت الشباب يعود يوما

 احنا جيل اللي يفتح بيت ف الزمن ده يبقا بطل مش راجل بس .. احنا الجيل الي هيقول ياريت اليوم الي راح ميتكررش تاني

احنا جيل بقا باين في وشوشها إنها شقيانه ومتدمره نفسياً قبل جسدياً ..فككوا من الكام صورة اللي بنضحك فيهم ولا الخروجتين اللي بنشم فيهم نفسنااا صدقوني احنا أغلبنا مسروق عمرنا جوة حلقة ملهاش خروج ، واللي بتبات فيه بتصبح فيه ، جري جري ومعافره ملهاش اول من اخر وطاقة مستنفزه وزحمة في دماغك وف كل حتة دوشة علي خنقه علي مستقبل باهت وعلي عمر بيضيع .بصوا ف وشوش بعض هتعرفوا إن كل واحد شايل هم أكبر من سنه .

احنا الجيل اللي شاب وهو شباب..