مدوباهم اتنين

رانا الجوهرى
الشرقيه

هنا عاشت اقوى حماه فى مصر
السيده القديرة مارى منيب
ذات الاصول السورية
٧٠ شارع طاهر
حي شبرا.. القاهرة

نبذه تاريخية

اسمها الحقيقى مارى سليم حبيب نصر الله اتولدت في دمشق يوم 11 فبراير سنة 1905، وبعدها بفترة سافرت مع أسرتها لمصر وقعدوا في حي شبرا.
مارى اكتشفت وهى صغيرة أنها بتحب الفن فاشتغلت الأول راقصة ومطربة فى الملاهى وفى التلاتينات سابت الرقص وانضمت لفرقة نجيب الريحاني وشاركت فى أول مسرحية وعمرها 14 سنة وكانت مسرحية القضية نمرة 14
مشوار مارى منيب استمر 35 سنة قدمت فيها 200 فيلم وقدمت فى اغلبها دور الحَماة الشريرة الظريفة وكان من اشهر ادوارها .
حماتي ملاك الحموات الفاتنات وحماتي قنبلة ذرية.
اتجوزت مارى اول مرة فى عربية قطار متجه للشام كان يوجد قطار يربط مصر و فلسطين و دمشق و مكه انشاته الدوله العثمانيه ودمرتة اسراءيل
وخلال رحلتها اتعرفت على الممثل الكوميدي فوزى منيب وبعد تبادل نظرات الإعجاب اتجوزوا وكانت وقتها لسه صغيرة وبعد ما عرفت امها بالجوزاة غضبت وعارضتها بشدة واستمرت في رفضها للجوازة، حتى أنها حاولت إجباره على تطليق بنتها، لكنها فشلت، وبذلك حملت “ماري” اسمه، وظلّت محتفظه به حتى بعد طلاقها، وأنجبت منه ولدين.
زواجها التانى كان من المحامي عبد السلام فهمي جوز أختها، التي توفيت، وده عشان تربي أولادها، وأنجبت منه ولدين وبنت وعاشت “ماري” مع أسرته المسلمة، لحد ما اتأثرت بالطقوس الإسلامية، وتلاوة القرآن اللي كان بيُتلى كل يوم في بيت حماتها، وكانت تشرح لها حماتها معاني السور، وحفظت بعض آيات القرآن، ثم أشهرت إسلامها في محكمة مصر الابتدائية عام 1937.
بعد ما أشهرت اسلامها اختارت لنفسها اسم أمينة عبد السلام نسبة إلى زوجها عبد السلام فهمي عبد الرحمن أحمد، وماتت مارى منيب يوم 21 يناير سنة 1969.