هفضل مكاني شبكه اخبار مصر
بقلمى / سمير صبرى
انا هفضل هنا مكانى
هعيش عمرى كده فى سكوت
حاسه مشاعرى تعبانى
صحيح عايشه لكني بموت
نسيتنى وماشي ولا همك
اعيش طول عمرى مكسوره
ابص لروحى فى مرايتي
اشوف نفسى غير الصوره
شبابى وعمرى ضيعته
وعشت سنين بعيد عنى
بقالى كتير هنا مكانى
وروحى بتتسحب منى
مشيت وسايبني بعذابي
أعانى بجرحى طول عمرى
دا من حقى اكون وياك
اكون شمسك تكون قمرى
خلاص ايامي مش فارقه
يعدى اليوم كأنه سنين
بقيت دميه بتتحرك
تدوس تمشى على السكاكين
بقيت بمشاعرى مش حاسه
وفايت قلبى للحرمان
وتهت كتير انا وحبي
بنام واصحى مع الاحزان
ياريت معرفت يوم حبك
ولا عشته فى لحظه معاك
بقيت عايشه ومش عايشه
اشوف صورتك ومش وياك
كرهت خلاص اجيب سيرتك
معتش فى نفسي تانى بَراح
صحيح عايشه وبيتعذب
لكن قلبى خلاص ارتاح
