ايه يا دنيا قلابه ليه
بقلمي جمال القاضي
أنا قلت خلاص
ووثقت أنا فيها
بس لاقيتها كل شويه
يتغير فيها أحوال
وكتير غداره
تأمن ليها
في ثانية بتقلب
وتبقى عليك
ومن أحوالها تلاقي
حال ومعاه
هتشوف بعيونك
غدرها بيك
ولو خنتها أنت
غريبه
هتقرب منك
وتقرب أكتر واكتر
وعلطول تغويك
ولما بتمسك فيك
متعرفش تسيبها
وساعتها
لاتعرف أي طريق
لهروبك منها
بس عنيده
أيوه عنيده
وجميله كمان
زي النسوه لما تشوفها
ولا كل النسوه
آكون بقصدها
منها تلاقي ع الوجه
ضحكه وغمزه
ومن سحر جمال
تسحر قلبك وتقرب منك
علشان تغويك
ولما تحس بانك
أصبحت أسير
وبوسط شباكها
متحسش غير إنك
صرت فريسه
وبسكينة سننونها قديمه
تقطع فيك
ولكلاب الشارع
وجبه لجوعهم
ملفوفه بكيس
وتروح ترميك
بس هقولك
واسمع مني
مره نصيحتي
أوعي الدنيا
تشوفهابضحكه
تفرح وتأمن ليها
لأن ساعتها
مقصد سيء
خلف الضحكه
جايه تقرب منك
ونهاية الحال
تنقض عليك
ولاحد هيسأل فيك
