قلبي الصايم محتاج فرحة شبكه اخبار مصر

قلبي الصايم محتاج فرحة شبكه اخبار مصر 

لشاعر ه وفاء يوسف 

 قلب امي 

تشبه فرحة الشارع بيوم العيد 

با احلم ب عيد 

يرسم في عيونا حياة 

خالية من التجاعيد  

با احلم ب ضمة إيد 

تبدر براح الكون سلام

و تداوي جراح بتنز فينا شقا و تسهيد 

با احلم ب لمة 

تشبه لمة الصبيان 

جوا قلب الغيط

تروي الحلم اللي اتولد

و اتنسى ف زحمة قلوبنا و ربكة المواعيد 

ب قلب يضمنا و يلضم عقدنا المفروط 

محتاجة قلب امي

يلملمنا كما العنقود

إن زادت ملوحة الأرض

حلاوة سكره بتزيد 

   وفاء يوسف 14/6/2023