من الطالب يوسف جابر
قصيده مهداه من طالب لمعلمته الاستاذه عاليه الشيمي لها مني جميعا جزيل الشكر والاحترام
أجيال ورا أجيال
الكل يشهد لها
واللي هنقوله اليوم
دليل على حبها
أستاذة عاليه الشيمي
يارب بارك لها
جايز كلامنا يكون
مايوفيهاش حقها
لكن حبنا ليها
يشهد عليه ربنا
دي أمنا حضن يضمنا كلنا كلنا
* * * *
دايما بالخير سباقة
ام عظيمة و معطاءة
نبع حنان مع حنية
بنت أصول متربية
تلاميذك بيحبوك
دايما و بيستنوك
عمرنا ما هننسى كلامك
عن ابداع الفنان
الحق الحب الخير
رسالتها ف كل زمان
دي أمنا حضن يضمنا كلنا كلنا
* * * *
ومعانا غنوا وقولوا
مواهبنا معاها في امان
في طريقتك وف أسلوبك
تشجيع للفنان
قلبك عمران بالخير
دايما بيحب الغير
كلمة صدق في أغنية
تتقال وتعدي في ثانية
وبأعلى الصوت والنبض
بنقولها ألف تحية
ومدام عايشين هنغني
ومدام قادرين هنحب
أستاذة عالية الشيمي
ساكنة الروح و القلب
والحب ماهوش بالكلمة
بالفعل وبالاحساس
أستاذة عالية الشيمي
دي ملكة الإحساس
دي أمنا حضن يضمنا كلنا كلنا
شكرآ ابني يوسف جابر طالب بمدرسة الدكتور عبد الحافظ الكردي شكرآ أستاذة هدي محمد مسؤلة الموهوبين بالمدرسة على اهتمامها ونشاطها الدائم مع اولادنا الموهوبين
error: Content is protected !!
