تعلموا إحتواء أولادكم
اسراء عبد العظيم
كل شخص فينا محتاج الإحتواء .. حضن دافئ يضمه
إيد تطبطب عليه.. كلمه طيبه بصوت حنون من اقرب الناس ..
محتاجين إحتواء عاطفي يحسسنا بالأمان
ده هيحافظ ع بنتك…
البنت مش هتبقي مضطره تدور ع الإحتواء عند حد تاني …
هيحافظ ع ابنك هيتعلم منكم ازاي يبقي قلبه مليان بالحنان والرأفه
متسبوش أولادكم قافلين الاوضه ع نفسهم طول اليوم شاركوهم تفاصيلهم ومشاكلهم ادخل جوا ابنك وبنتك اعرف اي بيشغل تفكيرهم انك تحسسهم بكل الاهتمام ده هيساعدهم علي التقدم والرقي في حياتهم
كلنا محتاجين يبقي عندنا اطمئنان داخلي
انتو هتبقو محتاجين من ولادكم الحنيه والإحتواء ده لما تكبرو ف السن ازرعوه فيهم من صغرهم علشان تلاقوه ف الكبر
إشبعوا أولادكم وبناتكم من الحنان والحب والعطف .. إحتوهم وصاحبوهم وإستمعوا لهم بأذن المحب لا بأذن المراقب .. كي لا يحتاجوا لغيركم
كل شخص فينا محتاج يتطمن من أهل بيته
محتاج يسألوه عن أحواله عن أحساسه محتاج يحس انو مهم وانه موجود ده بيخليه حاسس بأمان وراحه
كلنا عندنا نقص عاطفي والسبب الرئيسي هو فقدان الإحتواء حبكم لأبنائكم والحنان والإحتواء يحميهم
نص جيلنا طلع بلا هدف وبلا حلم أزرعوا ف ابنائكم الحلم والهدف ربوهم ع الإحتواء وحسن المعامله….
اعطوا أولادكم حب وتقبل اعطوهم عاطفه وتفاعل وتواصل اعطوهم إنتباه لإحتياجاتهم العاطفية
