معلومات عن الذهب بيع و شراء

ابانوب مجدى
الشرقيه

سؤال بيتردد كتير بعد نزول الدهب الفتره الحاليه
اشترى دلوقتى ولا استنى ؟
ج/ اشترى على أجزاء كل نزول 10جنيه اشترى جزء واستنى عليهم شهرين فقط.
طيب انا شارى السعر نزل عليا ابيع الآن ولا استنى ؟
ج/ استنى لوتقدر تشترى جزء الان اشترى .
هل استثمار الدهب مربح ؟
طبعا بس يكون مدى بعيد
سؤال انا معايا فلوس اشترى دهب ولا احتفظ بها فلوس
ج/ علي المدى البعيد الدهب افضل الدهب كل سنه بيعمل قمه السنه الماضيه وصل 925
فى حين اول السنه شهر 2 كان الاونصه 1450 دولار والسعر 660 بعدها وصل 925جنيه
طيب ازاى اقدر استثمر في الدهب وايه افضل طريقه اشترى مشغولات ولا جنيهات ولا سبائك؟
ج/ فى مقوله دائما الصايغ يقولها
الدهب زينه وخزينه يعنى ايه الكلام ده
زينه يعنى دهب بشتريه للزينه ولا للاستخدام الشخصى
خزينه استثمار مدى بعيد. والافضل انك تشترى سبائك لان فيها مصنعيه اقل من المشغولات لو جنيهات تكون من شركه معروفه لان فى حاله البيع بتسترد جزء من المصنعيه سواء سبائك أو الجنيهات المغلفه