مش ممكن تخون

بقلمي جمال القاضي

مش ممكن تخون طول عمرها
قلوب وبالصدق عنها سمعتها
تضحك ساعات رغم إنها
جواها كتير حاجات ماعرفتها
كاتماها دايما وخافيا حزنها
ولو مرة صدفه كنت أنت قابلتها
ورغم الحزن ال ساكن جوه قلبها
راضيه حتى لو كانت لوحدها
وراضيه كمان بالحياة وال فيها
راضيه عنها بحلوها وبمرها
آه لو عرفتها وطيبة حنان قلبها
طبع الأصالة غالب طبعها
وال في إيديها دايما مش لها
سخيه رغم ضيق حيتها لإنها
لما تشوفك حزين حالك مايسرها
تنزف عيونها على الخدود دمعها
وطول عمرها من كأس الحياة
عايشه تشرب مرها وناسية حلوها
شافت كتير من القرايب والحبايب
من القرايب خصام وقسوة وبعدها
عتاب ووحدة تعيش فيها لوحدها
ومن الحبايب هجر وغياب
ومن الحياة تلقى منها كتير عناد
وعايشه لسه مع الأمل أن بكره
حاجه فيه يمكن تكون تسعد قلبها
جميل وتعمل بدون مقابل
من جود كرمها بحب ورضا
وعامله دايما حساب لغايب
رغم أن الكل صار عليها قاسي
ومش ممكن تخون طول عمرها