دينا عشري صعب الوصول لهدفك بس بالمحاوله والاستمرار هتوصل اكيد
حوار/ أحمد رضا صحفي
دينا عشري صعب الوصول لهدفك ولكن بالمحاوله والاستمرار هتوصل اكيد.
مجتهده ودئوبه وتعتبر نفسها نموذجا يقتدي به رغم انها لسه بتحلم بكتير اهداف وتسعي لتحقيقها.
دينا عشري تتحدث عن تفاصيل الميك اب ، وعلاقتها بمواقع التواصل الإجتماعي.
دينا كلمينا عن نفسك أكتر ؟
أنا دينا عشري خريجة فنون جميله ، بدأت شغلي من ٥ سنين ، وكان أول المشجعين ليا أسرتي وأصدقائي.
من تكون قدوتك؟
في كتير جدا بحب التكنيك بتاعهم بس انا بفضل ان كل واحد يركز ويبقي ليه التكنيك الخاص بيه اللي يميزه بمجرد ما يظهر الشغل يتعرف مين صاحبه علي الفور ، بحب ان كل ميك اب ارتست يبقي ليها الهويه الخاصه بيها واللي تتميز بيها وينعكس في تطبيقها في شغلها.
هل بتعتبري نفسك نموذج يحتذي بيه؟
اتمني اكون نموذج يحتذي به وباسعي دايما اني اكون عند حسن ظن جمهورى واجتهد طول الوقت إني اكون إيجابية ، علشان دى شخصيتي وعلشان التزامي مع المتابعين ليا ، واهم حاجه السيره الطيبه لانها الباقيه وانا بسعي لده جدا ويارب تبقي سيرتي طيبه وتتذكر بالخير دايما.
اشتغلتي في مشوارك مع أسماء كبيرة ومعروفة ؟
انا كنت ميك اب لبرنامج في التليفزيون وبعدها الفنانين بدأوا يعرفوني وبدأت اعمل ميك اب ليهم، الفنانه الشابه نداء شراراه في كتير من حفلاتها بالقاهره و المتألقة الهام شاهين في كتير من البرامج والتكريمات القديرة تيسير عبد العزيز والفنانه غفران محمد ، سعيدة اني ساهمت في كتير من مجالات الازياء, وسعيده اني حظيت بالعمل مع كتير من الصحفين والاعلامين.
