مطبح شبكة أخبار مصر يقدم لكم _طاجن الدجاج بالبصل المكرمل

مطبح شبكة أخبار مصر يقدم لكم _طاجن الدجاج بالبصل المكرمل 

متابعه علي العشري رحاب الدسوقي

يقدم لكم “شبكة اخبار مصر” وصفات للأكلات المصرية الشهية والشهيرة وهذة الخدمة مجانية من ضمن خدمات “شبكة أخبار مصر” المجانية “

واليكم وصفة :

الطبق ده من الاطباق اللذيذه الي ممكن تتعمل جنب صنيه فريك او رز بالخلطة او برام مكرونه لسان العصفور او صنيه بطاطس بوريه او صنيه جلاش يعني طبق عسوله اوي وبيسد مع اي حد 

( طاجن الفراخ بالبصل المكرمل )

المقادير :

فرخه متقطعه ٨ 

٤ حبات بصل شرايح رفيعه

٣ فصوص توم مفروم

ملح و فلفل أسود

رشة جوزة الطيب 

رشة قرفه

معلقه سكر 

رشة زنجبيل 

سمنه و زيت

الطريقه :

هنجيب مقلايه على النار أو طاسه كبيره و نحط فيها سمنه و زيت و نسيبها تسخن و ننزل قطع الفراخ ( بعد غسلها كويس ونتبلها بملح وفلفل اسود والسبع بهارات ونسيبها فيهم نص ساعه) و عليها رشة ملح وفلفل تاني بس منكترش الملح و نحمرها لحد ما تاخد لون دهبي و نطلعها في طبق و ننزل مكانها البصل ومعاه معلقه سكر و نقلبه لحد ما يتكرمل و ياخد لون بني فاتح و بعدين ننزل التوم و ملح و فلفل و التوابل و نقلب الجميع ونغطي ونسبها تغلي شويه وبعدين ننقلها في برام او صنيه وندخلها الفرن لحد ما تستوي اهم شيء يكون فيها شويه مرقه لان بيبقه طعمها رائع 

التسويه :

هندخل الطاجن فرن سخن على درجة حراره ٢٠٠ حوالي ساعه إلا ربع و بعدين نكشف الطاجن و نتأكد أن الفراخ استوت و نولع الشوايه عشان تتحمر و نقدمها بالهنا والشفا.

ملحوظه 

يمكن أضافه حُمُّص بعد سلقه ويضاف مع الدجاج عند التسويه بيعطي طعم لذيذ وقيمه غذائية 

ويمكن أضافه مشروم اذا احببتي حسب الرغبه

وبالهنا