أدب وشعر
مات
كلمات إسلام عامر
اللى كنتم تعرفوه من زمان
مات
اللي حبه ف قلبه ليكم
بروحه وعمره كان يفديكم
عيشه وملحه عليكم هان
من غيره ياما
ح تشوفوا كتير عذاب ألوان
كان معاكم على هواكم
ف الأفراح و الأحزان
أخلص ليكم عمره ما خان
من بعده تانى
مش ح تحسوا بالأمان
كان حماكم شاف قساكم
شوفتوا منه كتير حنان
كان مناه ينول رضاكم
حلمه يعيش حياته معاكم
وتكونوا معاه
ف وجعه وجرحه طوق نجاة
تجرحوه وتخونوه
توجعوه وتظلموه
بعد العشرة بتبيعوه
مات مات مات
اللى كنتم تعرفوه من زمان
