انت والحياة

د/ احمد خليفه

كل لحظة بتقضيها مع شخص واعي و متفهم هتخليك تندم على كل يوم ضيعته مع شخص تافه ..
اختار بعناية الأشخاص اللي بتختلط بيهم يومياً عشان هما هيكونوا مسؤولين بشكل كبير عن صحتك النفسية و مدي وعيك بالحياة ..

النجاح العملي لا يعني أنك تكون بتشتغل ليل و نهار .. أولاً اوزن بين الراحة و الشغل .. ثانياً أوقات راحتك هي اللي هتكون مسؤولة عن كفاءة انتاجك ..

متبرمجين بشكل كبير علي التفكير بشكل سلبي و بالتالي متعودين علي اننا نعيش مع المشاعر السلبية .. غير طريقة تفكيرك و اتعلم ازاي تحول اي مشكلة لعدة خطوات و تطبيق الحل .. اتعلم ازاي تعيش بدل ما الدنيا هي اللي تعشش جواك ..

الأصل في الحياة أنك تعيش سعيدا ومستمتع بيومك .. كونك حزين و مكتئب يعني أنك لسه مش فاهم نفسك و لا فاهم سنة الحياة ..

الفشل مش سجان بالعكس هو دليل علي انك بتحاول و بتتعلم ..

الناقدون هم أشخاص زيك بس بدل من انهم يستغلوا طاقاتهم في تطوير نفسهم بيستخدموها ضدك .. خليك علي وعي بدا و ما عليك غير انك تشفك عليهم و تسامحهم .. كونهم منتقدين بيميلوا للتفكير السلبي فا ديه مشكلتهم مش مشكلتك ..

كل ما هتحقق حلم من احلامك كل ما هتسعي لتحقيق الحلم اللي بعده .. الأصل في الرغبات و الأحلام هي الاتساع و الزيادة .. عشان كدا متتعلقش بحلم واحد او هدف واحد .. اتعلق بالرسالة والنية الصادقة لتحقيقه ..

اسعي دايما لتطوير و التغيير من نفسك بس اوعي تبالغ بأنك اتغييرت .. دا معناه أنك متغييرتش أصلاً ..

نادراً ماهتلاقي حد بيسعي لتحقيق هدفك بنفس شغفك لتحقيقه .. عشان كدا اختار شركاء هدفك بعناية ..

معني انك طلع عليك نهار يوم جديد يعني لسه في خير كتير مستنيك .. بس لازم تسعي .. عشان مفيش معجزات بتحصل وانت ثابت مكانك..

كل ما كنت حازم مع نفسك .. كل ما كانت الحياة سهلة عليك .. والعكس بالعكس ..

خليك عاقل ومتزن في كل شيء في حياتك .. إلا في تطوير نفسك خليك مغامر .. و ساعتها هتلاقي أضعاف مجهودك ..

اتعب على نفسك .. عشان ترتاح في النهاية ..

نجاح شخص لا يعني إنك تمشي نفس طريقه بالضبط .. لكل انسان طريقه و بصمته .. استفيد من خبراته بس امشي في طريقك صح ..