أدب وشعر
خلي بالك
رأفت عبد العال
ليه بتسأل ع إللي بكا
الشوق في قلبك
وإللي هاجر وإللي كان
وإللي سابك للمكان
وإللي بكا سنين ربيعك
خلي بالك م إللي بدرك
جوه قلبه
وإللي شايلك جوه عينه
وإللي يوم طبطب بكفه
ع إللي باقي من سنينك
وإللي شال الدمعة جمرة
رجع الفرحة لعينك
خلي بالك يوم ما تنسى
يسرق من قلبه ليلك
خلي بالك م إللي حبك
وإللي سافر جوه نبضك
خلي بالك م إللي ضحى
وإللي سافر في سنينك
وإللي لما الشوق يعانده
ييجي يتوضى بعبيرك
شبكة اخبار مصر ٢٠٢٠/٣/١٩
