أدب وشعر
مهما طال .
رأفت عبد العال شبكة اخبار مصر
لو صحيح ناوي تفارقني
خد معاك كل اللي فات
وافتكر لو مش هتقدر
يبقى ليه كان البعاد
اللي فات شاهد علينا
مهما طولت العناد
يوم هتيجي حبيبي تاني
بعد عطشك للوداد
يا حبيبي بلاش تكابر
احنا زي الزرع الاخضر
جدره ممدود للممات
انت نصي الحلو فاكر
ولا نويت الفراق
لو خلاص قررت تبعد
سيبلي خصلة من ضفايرك
اللي يوم على كتفي نامت
سيبلي صورتك…سيبلي عطرك
سيب وسيب
سيب حاجات كانت بتهمس
نورها باين في عينيك
تيجي تفتنلي عليك
لو رضيت صحيح بهجري
افتكر دايمًا سلامنا
وإيدي حاضنة يوم إيديك
فاكر انت يوم خصامنا
وانت بتزيد في الدلال
آه ما هو انت ناسي ودي
ناسي حبي
ناس كتير قالولي انسى
انسى حبه
قولت لا…حبيبي جمبي
عمره ما يسبب لقلبي
أي جرح أو آلام
مهما طال بيننا الخصام
يا حبيبي ونور عنيا
ليه تصدق المحال
هو للبعد احتمال؟
٢٠٢٠/٣/٢
