أدب وشعر
ذكرى
رأفت عبد العال
ليه في قربك خوف وغربة
حتى بعدك شوق وحرقة
وتقوليلي احنا اتقبلنا
آه اتقابلنا ….اتقابلنا
جوه نجمة دمعت لما شافتنا
زي عصفورين وشجرة فرعت
وبنينا بيتنا
جوه شمسة مروحة وقت الغروب
جوه وردة دوبت كل القلوب
جوه آهة ليل حايرة
دوبت عمر المحبة ودوبتنا
اتقابلنا من سنين بس مين
يسمع لمين
اتقابلنا مش راح انكر
افترقنا مش راح انكر
كل كلمة حُب فاكر وانتي فاكرة
اتقابلنا جوه غنوة وانتهينا جوه دمعة
والنهاردة لما دوبنا جايه ليه بتقوليلي
إني ذكرى
