أدب وشعر
أنا وعدك.
أنا وعدك
رأفت عبد العال
ومين قال إن أنا فوتتك
وإنتي الضي لعيوني
ده مهما يقولوا ياحبيبتي
سبيهم كدبي ظنونك
وحاوطيني بروح قلبك
وصحي الفرحة في عيونك
يا كل الحب أنا وعدك
ياهمس الوعد أنا شايفك
يا ساكنه القلب أنا عارفك
ملامحي أصلها ملامحك
وياما شافوكي في عيوني
أنا مداحك السهران
أنا ملاحك الحيران
أهديكي حنين وغرام
وشوقي محبتي وعمري
راح أغزل توبك الوردي
وأروي محبتك نبعي
في طهرك ينتفض قلبي
أنا الأيام أنا وقتك
وأنا الحكاواتي في حكايتك
ده عنوانك بقى هوايتي
يا راسماني على كفك
وعارفاني وأنا عارفك
ده مين قال إن أنا فايتك
شبكة أخبار مصر ٢٠٢٠/٨/٣٠
