سوسن محمد
بقيت قاضى خلاص وحكمت
نسيت انك قاسي وظلمت
أيام زمان نسيتها وهجرت
عودت نفسك على النسيان
هيدور بك ويلف الزمان
وتلاقى نفسك انجرحت
ولما تدوق الجراح
وتفكر في الي كان بينا وراح
هتتمني حبي والسماح
واستحالة اسامحك خلاص
مهما قلت أو بكيت
وندمت وروحت وجيت
كل واحد له يومين
هيكون حسابي معاك بعدين
نفسى اقولك كلمتين
انا اشتريت لكن انت بعت
انت مش آخر الزمان
انت خسارة فيك الحنان
ياريت تقدر تنسانى
وياريت تكون فهمت
إنك كنت حلم حياتي
للاسف قمت فوقت
