حسبة

بقلم/ رأفت عبد العال
لميت بقايا الصبر
وعملت منهم باب
يمكن تفوت الشمس
وتحرق العتمه
في ناس تقوللك فوت
زي الزمن وافنى
وناس تقول هلفوت
ما عنده ولا فكرة
وعشان اتوه في السكة والموال
هدوا جبال الصبر ولا موني
والسكة يا أحباب محتاجة (١٠٠) أيوب
قطر الحقيقة ياناس تايه عن الفكرة
والخطوه خطوة غريب غرقانه في العتمة
مع إني كنت شجاع ملاح فارس كما عنتر
صبحت أنا المغلوب حاير مع الذكرى
الأصل حي يموت ولا نموت نحيا
سؤال وهاتلي الرد لتتوه عن الرحلة
امسك زمام الحق واتحنى بالفكرة
ياما قولتلك حاسب ده العمر بقى حسبه
ما تعيششي يوم هلفوت ولا تبات تحلم
أيوووووب زمانه راح وفضللنا العبره