نقاء روح

بقلم عبدالحميد احمد حمودة

كانوا معانا وشغلوا الفكر بيهم

لحظه واتغير اللي كان بايديهم

بعد ما كانت قلوبنا وارواحنا ليهم

تتمني سماع اصواتهم ورؤية عنيهم

ودايما اتخيل واشوف طيفهم

وكل الاصوات تشبه صوتهم 

بقينا لا نطيق سماع صوتهم

ولا نتخيل يوما القرب منهم 

بعد ما كانت قلوبنا تخاف عليهم

وارواحنا فداء روحهم وعنيهم

بعدنا عنهم وما راح نقرب ليهم

بعد ما شوفناه من قربنا ليهم

ولا راح يخطر ع بالنا طيفهم 

ولا ما كان من قبل منهم 

انتهت خلاص معانا قصتهم

وهتبدا من جديد مع غيرهم

مع ان كانوا كل شئ شايفنهم

وما فكرنا يوم في حد غيرهم

ونلاقي اللي ما فكرنا يوم فيهم 

ارواحنا وقلوبنا اتعلقت بيهم

مع ان الجمال لا يشبه جمالهم 

ولكن الروح احلي من ارواحهم 

ونقاء القلب احلي ما فيهم

والبراءة في نظرات عنيهم

ولو حكينا كتير عنهم

ماراح نوصف جمالهم

فالحياة تحلي بالقرب منهم

وجمال الكون كله بوجودهم

وما اجمل البسمه في وجوههم

وما اجمل الطيبه في قلوبهم

والسحر اللي مالي عيونهم

والبراءة اللي في كلامهم

هم من تشتاق الروح لقربهم

والروح والقلب ينبض بحبهم

هم الحياه ومافي اجمل منهم

من جعلوا الدنيا اجمل بوجودهم