( غنوه ولحن )
( غنوه ولحن )
بقلمي / جمال القاضي
——————-
كتبتك غنوه جميله
ولحن جميل
غنوه وقلت أنا فيها
قلت حبيبي
قلت بحبك رحله جميله
بدايتها
كانت نظرة بصدفه
لما قابلتك
بوسط طريقي
ومن نظرة جرئيه
معاها لاقيت القلب يدق
لما أنا شوفت جمالك
لما خطفني
سحر عيونك
وصرت أسيرها
سألت ساعتها
مين بتكون
قالوا عليك
كتير مغروره
قلت بحب غروها لإنه
ماكان إلا
على غيرتهم منها
شوفت جمالك
كان يشبه فيه
جمال لطبيعه
زاينها ربيعها
راسم فوق أغصانه
كل ألوان لورود
بس القلب سألني سؤال
قال هل ممكن هيا
تحس بحبك
أو تشعر بيك ؟
قلت أكيد لأني
قريت الحب جوه عيونها
وكان مكتوب
على أهداب لرموشها
وشوفت كمان من ريشه
كانت فيها بترسم صوره
لوجهي وجوه خيالها
بتخزنها وبتحفظها
وكمان بالليل
طيفي وطيفها
كان يتقابلوا وكانت منها
رسالة حب توصل ليا
وكنت أقراها
لما أنا بصحى الصبح
قلبي راح ترجمها
لحن جميل
راح يعزفها موسيقى
على أوتار الليل
وبعود الشوق روحت أعزفها
كتبت أنا منها
أحلى قصيده
(بحبك ) كان عنوانها
بورقه حوليها غلافها القلب
وكل مافيها إحساس ومشاعر
ونهاية الرحله
قابلتك فيها وزي الورده
كانت مني هديه إليك
لمستها إيديك
وقرأت فيها عيونك
كل كلامها
وشوفت ملامحك
ظاهره عليها ملامح فرحه
وصوتك سمعته ينادي
حبيبي وعمري
ولما سمعته قربت أنا منك
وحضنت القلب
وشوفت دموعك نازله
بس دي كانت
لأول مره نازله بفرحه
———————–
مع أرق تحياتي ( جمال القاضي)
