ياواخد قلبى ومسافر
الشاعره رضا عبد الوهاب
ياقلبك المفطوم على تكعيبة القسوة
ومتشبع من الحرمان
يا ظالم ف الهوى قلبى ومتعافي
يا طير وافي لأوجاعى
ومتعود على التجريح
يا قلب جريح .. وبتخلّص تارك منى
يا فاكرنى بواقى ضى ينور عتمة أيامك
يا أحلامك اللى مالها زى
وانا عمرى اللى فات كله
ولا جيت لك ف أحلامك
ولا قربى بيحلالك
ياواخد قلبى ومسافر
وكافر باللى كان بنا
وروحى تايهة بتعافر
فتتسرسب سنين منا
وانا ذنبى ايمانى بيك
فبعلن من هنا توبتى
وبدعى يارب تغفر لى
#الشاعرة_رضاعبدالوهاب
error: Content is protected !!
