أدب وشعر
حصن الأوليا
بقلم/ رأفت عبد العال شبكة اخبار مصر
النور عيونه مروحة
والليل ده قلب المسبحة
وضاني دمع الأدعية
من نبع بحر الأنبيا
حنت براءتي للنجاة
ودخلت حصن الأوليا
يا منتهى النور والتقى
يا سر كل المعجزات
يا خالق الليل والنهار
نقيني من شر الضلال
خليني حبة في مسبحة
خليني ادوب جوه الدروب
الطاهرة
واختم ختام مسك النجاة
والهم عيوني الساهرة
من شر حاقد استجر
بك يا غفور يا مقتدر
يا واهب الروح والحياة
اقبل بفضلك توبتي
واغفر بعفوك ذلتي
٢٠٢٠/٢/١٤
