منتجات غذائية في الأسواق تحتوي على دهون الخنزير.. ونشطاء يحذرون
متابعة – محمد عصام مصيلحي
حذر نشطاء على مواقع التواصل الاجتماعي من وجود منتجات غذائية في الأسواق تحتوي على دهون الخنزير. وتداول هؤلاء النشطاء صورة لنوع لبن شهير يحتوي على مادة E471 والذي أشار الكثير أنها من دهن الخنزير .
وقالت الدكتورة سماح نوح رئيس قسم الإرشاد البيطري على صفحتها الشخصية ردا على ما تداوله رواد التواصل الاجتماعي “بمناسبة البوست بتاع اللبن اللي فيه مادة E471 ، واللي الكل قال إنها من الخنازير وحرام، ببساطة المادة دي E471 مشتقة ومصنعه من مصدر دهون وزيوت إما حيوانية وإما نباتية بالراحة كدا”
من أصل دهون لحوم بقرية وهنا هتبقي حلال وطبعا أن يكون الدبح إسلامي، أو من دهون نباتية وزيوت زي مثلا دهون الصويا وزيت النخيل”. وهنا هتكون حلال أو من دهون حيوانات محرمة زي الخنازير يعني مش قاعدة أنها محرمة أو من خنزير بالذات”. وتابعت “تعالي بقي الصورة المنتشرة دي بتاع اللبن هتلاقي في السطر الأول حليب بقري. وطبيعي ومعقم.. وبعدها مادة E471.. ومادة E407 ، وبالتالي هنا مفيش خوف لأنها من أصل دهون بقرية. يعني لما تقرا هنشوف مصدر المادة أولا هتلاقي مثلا منتجات الغذاء الخاصة بالنباتيين.. هتلاقي المادة دي من أصل نباتي زي زيت النخيل أو دهون صويا وبالتالي حلال.
طب لو فيه منتج مبهم أو مجهول المعالم ومفيش علامة توضح حلال أو حرام يبقي نتجنب الشبهات. فيه منتجات مكتوب فعلا عليها أنها تحتوي على دهون خنزير أو مواد أخرى زي الصورة التانية دي لنوع من الشوكولاته يعني بلاش خوف ورهبة للناس الحرام بين والحلال بين. ونحن بدورنا نناشد المسؤولين بتفعيل الرقابة على الأسواق، ونوجه المواطنين بضرورة قراءة معلومات أي منتج قبل الشراء للأمان.
