قصيده بعنوان بتاسفلك
الشاعر محمد سعدون
بتاسفلك
يلي سبقني الشوق وبعتلك
فتني و راحلك
عني وقالك
اني بحبك
حتى وانتي معايا بشتاقلك
يلي زرعتك ورده في قلبي
كنتي منايا واملي وحبي
أنا حبيتك طاب ايه زنبي
عشان تفوتيني وانا محتاجلك
يلي هواكي في دمي بيجري
انتى حكاية حبي وعمري
مكنش بايدي مكنش بخطري
اني عشقتك قلبي ارتاحلك
عمري ما حبيت غيرك انتي
كنتي البحر وكنتي سفينتي
كنتي طريقي وكنتي مدينتي
وكنتي شجرتي وكنت انا ضلك
كنتي المياه الي بترويني
وكنتي النسمه الي بتحييني
واما بغيب عنك تلاقيني
ابكي في حضنك واتسفلك
كنتي الأرض اللي انا يرويها
وكنتي حكايتي اللي انا بحكيها
وكنتي سنين عمري ولياليها
وكنتي الزرع وكنت سنابلك
كنت بشوف نفسي في احلامك
واني الحلم جوه منامك
واني حنينك واني غرامك
واني الضحكه الحلوه وجتلك
واني الورد الي بساتينك
واني عواطفك واني حنينك
واني الضحكه في قلب سنينك
واني النسمه الي ابتسمتلك
لما غرامنا كان ينادينا
ونكون انا وانتي لوحدينا
و اشواقنا تسابق غناوينا
كنت بشوف الكون يضحكلك
كان الكون مفروش بالورد
وكنت بكون دفيان في البرد
فرحتي بيكي ملهاش حد
لما تجيني وكنت باقابلك
بتاسفلك بتاسفلك
ايوه بقولك اسف ليكي
كنت بحبك كنت شاريكي
بس خيانتك ساكنه عنيكي
بعتي فوادي الي اطمنلك
بعتي الحب وبعتي غرامي
بعتي سنين عمري وايامي
بقيتي سراب وكابوس في منامي
والي باقيلك والي فاضلك
هم وغم وحزن وجرح
ما انتي طفيتي شموع الفرح
زرعتي اسيه طرحت طرح
زرعتي الغدر ذاد وفضلك
وانا مش هرجع اقولك تاني
اني بحبك او وحشاني
ولا هوصفلك فين عنواني
ولا هتمني اني أقابلك
بيعي براحتك خوني براحتك
اعملي كل شيء فيه راحتك
اصلي طلعت عبيط ما استهلك
ايوه طلعت رومنسي عبيط
وعمري ما كنت لائيم وحويط
فهمي قليل زي الحيط
علشان كل عواطفي راحتك
كلماتي الشاعر محمد سعدون
