كلمة حق

بقلم /أمينة عليوة
شبكة أخبار مصر

كلمة حق عن فيلم ( ريش ) الحاصل على الجائزة الكبرى للنقاد فى مهرجان (كان ) السينمائى ،وبذلك يصبح اول فيلم مصرى يحصل على تلك الجائزة، الفيلم للمخرج المصرى،،عمر الزهيرى،،بطلة الفيلم ،فى الواقع لسيدة من معدوى الحال ،اختارها المخرج لتجسد دورها الحقيقى ف الحياة والفيلم،،هى السيدة / دميانة نصار حنا
سيدة مصرية بنت قرية البرشا بملوى بمحافظة المنيا او ام ماريو كما يلقبونها فى قريتها عندها ٣ اولاد وهم ماريو و ويصا وفادى وعمرها ٣٩ سنة وبتحب التمثيل من صغرها

ولما كبرت اشتركت مع الاهل والجيران والاصحاب فى فرقة صغيرة بالقرية اسمها بانوراما عشان يشبعوا من خلالها مواهبهم التمثيلية وهواياتهم الفنية

وفى عام ٢٠١٨ فكر المخرج المصرى عمر الزهيرى فى عمل فيلم بفكرة جديدة خيالية ولكن صمم يكون ابطال فيلمه ناس يمثلوا لاول مرة

فبدأ يلف ويدور فى قصور الثقافة والفرق المصرية عن اشخاص ينفعوا لتمثيل فيلمه واثناء بحثه نزل المنيا وراح يتفرج على فرق كتير وكانت منهم فرقة بانوراما

فعجبه اداء وتمثيل الست ام ماريو ولقى ان ملامح وشها مناسب جدا لدور بطلة فيلمه واختارها لتكون البطلة وطبعا لما عرض عليها الفكرة فوافقت عالفور وصورت الفيلم فى اخر ٢٠٢٠م وقرر المخرج عمر الزهيرى يشارك بفيلمه دا واللى اطلق عليه اسم ( ريش ) فى المسابقة الرسمية للنقاد فى مهرجان كان
وبالتالى أصبح أول فيلم مصرى بالتاريخ يحصد جائزة رسمية بمهرجان كان ويتم ابلاغ ام ماريو بالخبر واللى ما صدقتش نفسها من الفرحة وراح اهلها وجيرانها يباركولها ويهنوها ويتصوروا معاها واقاموا الافراح بقرية البرشا فرحا بأن بنت قريتهم صبحت نجمة عالمية

وفى يوم وليلة تحولت ام ماريو الست الصعيدية الغلبانة الشقيانة بقرية منياوية الى بطلة سينما عالمية ويتكتب اسمها فى تاريخ الفن المصرى ان دميانة اول ممثلة مصرية لاول فيلم مصرى يحصد جائزة بمهرجان كان،،
المؤسف ف الموضوع بعد كل النجاح للفيلم ووصولة للعالمية،،انه يضطهد من مهرجان الجونة ويخرج من العرض للاسف فنانين مصر العظماء بحجة اعتراضهم على قصة الفيلم وأنه بيوصل صورتنا السيئة للعالم ،،طبعا مش ده السبب ،،السبب إن الفيلم مافيهوش إسفاف،ومناظر خارجة عن القيم والمبادئ المصرية مافيهاش بهارات أفلامنا اللى بتصور مجتمعنا المصرى بين البلطجة والمخدرات والساقطات ،،بيصور حكاية ام مطحونة توفى زوجها وتركها تعانى الأمرين بعد رحيلة،،،وفى الأخر بيصور الحياة الصعبة الغير آدمية للعشاوئيات قبل مبادرة الدولة المصرية العظيمة لحياة كريمة ،،،،
غير مهم رأى فنانين مصر عمالقة العرى والإسفاف،،

وكلمة حق ،،،مبروك لمصر ومبروك للمخرج المبدع ،عمر الزهيرى،ومبروك للسيدة دميانة ،،ومزيد من الإبداع والتألق دون إسفاف،،،