بقلم / رأفت عبد العال
قالوا ياأبن الآه ليه مركبك حيران
أشواق ورا أشواق ليه دمعتك بركان
وإزاي ياأبن الحياة إزاي تعيش عطشان
أنا قُلت للصابرين روح الحقيقة أمان
دقيت كعوب الآه والليل بقى سجان
ياااااافجر هات النور دي السجدة للديان
ملك الملوك إذا وهب ما تقولش كُنا وكان
ولا تتحسب بالحصى الرحمة م الرحمان
ياللي هجرت النور تايه عن العنوان
روح الحقيقة براح كل الوعود أوهام
الزيف ياويل الزيف ..الزيف بقى سلطان
وشربت كاس الضنى شبع الضنى حرمان
خط الحياة العمر مسجون فى روح إنسان
يا مأسسين الوفا ليه تهتوا في العنوان
رحلة حياتكم أسى لو تُهتوا في الأحزان
ازرع عيونك وفا تلقى الطريق هيبان
حط الرحال وإبتهل لأجل الحقيقة تبان
شبكة أخبار مصر ٢٠٢٢/٩/١٨
error: Content is protected !!
