“راضعين من جاموسة واحدة ” . مسلسل الإختيار 3 يفضح تفكير بقايا الجماعة الإرهابية ” خونة , كاذبون , متلونين “

بقلم /    شهد عادل

إمبارح في حلقة مسلسل الإختيار المذاع علي قناة ON الفضائية , عرضوا جنازة ال 16 شهيد من شهداء الجيش . وال استشهدوا ” غدر ” فـ رفح سنة 2012 مع اذان المغرب ف وقت الفطار بالضبط . لدرجة ان فيه شهداء كان لسه التمر في ” بقهم ” لما استشهدوا . ليكون المنظر الأشد قسوة والأكثر إلاما في قلوب المصريين ، حادث غاشم وغادر من ابشع مايكون بكل ما تحمله الأحرف والكلمات من معانى .

نيجى للأغرب بقا . ماشوفتش حد من الناس اللي بتدافع عن مرسي ذكر الموضوع ده ولو حتى بجملة “ربنا يرحم شهداء الوطن” ؟؟

كل ال كان هامهم يجملوا صورة مرسي , ويقولوا جايبينه بشكل وحش , وان الله يرحمه كان قامة علمية , وبوستات شكر ومفيش مانع من شتيمة صناع المسلسل والدعاء عليهم !!!!؟

تزييف تاريخ ايه ال بيتكلموا عليه بقايا الجماعه الإرهابية ؟؟

فما أشبه الليلة بالبارحه . انتم قدامنا اهو ” بغباوتكم وسلطاتكم وبابا غنوجكم ” وكل تصرفاتكم وكلماتكم بتقول وبتدل علي ان همكم الوحيد لحد اللحظة مصالحكم وبس . ومش مهم اي حاجة تانية حتى لو كانت نخوتكم وشرفكم وعرضكم وعروبتكم ، ولا مهمه مصر , ولا مهم دماء شهداءنا الطاهرة ال ارتوت بيها أرض سينا .

تغاضيتوا عن حادثة بالإجرام ده ومتوثقة صوت وصورة يعني حقيقية 100% واسماء الشهداء والصور بتاعتهم موجودة، وعلقتوا على “مطلعين الدكتور محمد مرسي شكله وحش” !!

تخيلوا بقا يا بقايا جماعة كانت ولا تزال وستظل ليوم يرث الله الأرض ومن عليها ” نقطة سوداء تكسوها دماء الأبرياء في تاريخ مصر ” وانتم ناس عاديين وبتقولوا وبتفكروا كده ، يعنى مش في مناصب ولا في ايديكم سلطة ، مابالكم بقى بالناس اللي منكم وبتفكيركم الغليظ الدامى ده وكانت في مناصب مهمة في الدولة زي رئيس الجمهورية ” كان هيعمل فينا إيه ؟؟

يا رعاع الارهابية . وانتوا بتحاولوا تثبتوا ان المسلسل كدب وتزييف للواقع ، اثبتم وبتثبتوا كل كلمة فيه